Sumarið - fyrsti hluti ! :-)

Góðan daginn!!

Er málið að endurvekja þessa síðu?
Já ég held það bara... :)

Allaveganna, ég er byrjuð í Kvennó, og það er bara æði ! :D
Busunin og ballið og bara allt var bara gaman, og bekkurinn sem ég er í líka :).

Svo ég segi nú aðeins frá sumrinu, þá held ég að þetta hafi verið eitt skemmtilegasta sumar sem ég hef haft.
Það byrjaði nú heldur rólega, með vinnu í unglingavinnunni, og reyndar Krónunni líka smá með.

Ég, Íris og Sigrún vorum settar í skólagarðana að kenna krökkum að setja niður grænmeti. Þetta var nú mestmegnis tjill, sitja inni í skúr og spila, liggja úti í sólbaði eða eitthvað svona. Svo var líka eitthvað farið með krakkana í sund og á sílaveiðar og svona :D...

Jæjaa.. svo kom hérna að "heimsreisunni" minni. Bloggið myndi nú verða endalaust ef ég færi að segja frá öllu í því. En allaveganna, ég fór semsagt til Ungverjalands í svona sumarbúðir fyrir 15-17 ára, og það var í allstaði ÆÐISLEGT!!! :D
Skemmtilegasta sem ég hef gert bara held ég :)... Fyrri vikuna var ég hjá alveg æðislegri fjölskyldu og svo seinni vikuna vorum við öll "skiptinemarnir" á hóteli saman í Búdapest. Kynntist alveg fullt af fólki frá allskonar löndum úti um Evrópu og líka Ísrael og Bandaríkjunum.

Ferðin byrjaði með því að ég fór til Danmerkur, því það er ekki beint flug til Ungverjalands, og var hjá frænku minni þar í 4 daga, en hún býr í Kaupmannahöfn.
Þá fór ég meðal annars á tónleika með Jamie Cullum í Tivoli með danskri stelpu sem heitir Signe og var líka að fara til Ungverjalands. Svo fór ég í marga göngutúra með Keikó, hund frænku minnar, fór í sólbað í góða veðrinu, labbaði á Nýhöfn, fór út að borða, fór í svona bátasiglingu um síkin... og bara svona gaman sko !... Elska að vera í Danmörku !
<--Nýhöfn Svo var það hinn 16.júlí 2006 sem ég vaknaði klukkan 6:00 að dönskum tíma í gestaherberginu í íbúð frænku minnar sem er í götunni Ved Amagerport. Þá var ég búin að pakka niður og svona í risastóru ferðatöskuna mína og var með kvíða+tilhlökkunarhnút í maganum. Hvernig skyldi fjölskyldan verða? Tekur einhver á móti mér? Kemst ég í gegnum tollinn? Hvað ef ég týnist í Ungverjalandi? Hvað ef ég verð rænd? okok.. kannski ekki alveg en já :D...

Svo fórum við útá flugvöllinn með strætó, og þar hitti ég Signe, því við vorum sko búnar að bóka flug saman :). Og við fengum sæti hlið við hlið :D... Svo sögðum við bless og svona og svo bara, af stað! :D

Flugið var þvílíkt fljótt að líða, enda ekki svo langt að fara frá Danmörku, bara 1 og hálfur tími eða svo. Hlustuðum á Jamie Cullum og svona á leiðinni, og stúderuðum staðina á korti sem við mundum verða á fyrri vikuna og svona :D...

Svo komum við.... töskurnar ætluðu ekki að koma og eins og alltaf þá fékk maður hnút í magann þá. En svo loksins komu þær og við fórum út, vorum líka pínu hræddar um að enginn mundi koma að sækja okkur og búnar að gera díl að við mundum ekki fara fyrr en báðar væru búnar að finna fjölskylduna. En svo bara fórum við út og sáum þau strax, fyrst Béla, sem er kallinn sem var yfir þessu öllu, og svo sá ég David, "host-bróður" minn með svona skilti af því ég sagði honum að vera með það svo ég myndi þekkja hann :D... Vá hvað ég var feginn :D...

Jæja... framhald seinna af ferðasögunni... þarf að fara að læra :D:D!!
To be continued!
Una.